نئی دہلی:(اردودنیا.اِن)سابق ہندوستانی تجربہ کار بلے باز سچن تندولکرجنہیں کرکٹ کی دنیا میں بھگوان کہا جاتا ہے ،انہوںنے 9 سال قبل 2012 میں آج ہی کے دن اپنے کیریئر کی 100 ویں سنچری اسکور کی تھی۔ یہ سچن کے ون ڈے کیریئر کی 49 ویں سنچری تھی۔ انہوں نے یہ کارنامہ ایشیاء کپ میں بنگلہ دیش کے خلاف انجام دیا تھا۔
https://www.youtube.com/watch?v=-KExD-tC3r4&t=35s&ab_channel=CricketMania
سچن کی عمر 38 سال تھی جب انہوں نے سنچریوں کی سنچری مکمل کی اور انہیں اپنی 99 ویں سنچری کے بعد 100 ویں سنچری کے لئے قریب ایک سال انتظار کرنا پڑا۔
A century of centuries! 🙌#OnThisDay in 2012, the Master Blaster @sachin_rt became the only batsman in the history of cricket to notch up 💯th international hundred 👏👏#TeamIndia pic.twitter.com/JfqRYa45r0
— BCCI (@BCCI) March 16, 2021
سچن نے اپنے ورلڈ کپ میں جنوبی افریقہ کے خلاف کیریئر کی 99 ویں سنچری اسکور کی تھی۔سچن نے بنگلہ دیش کے خلاف 147 گیندوں میں 12 چوکوں اور ایک چھکے کی مدد سے 114 رنز بنائے ، جس کی وجہ سے ہندوستان نے پانچ وکٹوں پر 289 رنز بنائے۔
تاہم ان کی اننگز نے ٹیم کو جیت نہیں دلاسکی اور بنگلہ دیش نے پانچ وکٹوں پر 293 رنز بنا کر میچ جیت لیا۔اپنی 100 ویں سنچری اسکور کرنے کے بعد سچن نے کہا تھامیں اس مرحلے پر ابھی کچھ نہیں سوچا رہاہوں۔ یہ دورمیرے لئے مشکل ہے۔ اس سے کوئی فرق نہیں پڑتا ہے کہ آپ نے کتنی سنچریاں اسکور کیں۔ آپ کو زیادہ محنت کرنے کی ضرورت ہے۔سچن کے ون ڈے کیریئر کا آخری میچ ایشیاء کپ میں پاکستان کے خلاف تھا۔
دلچسپ بات یہ ہے کہ اس نے اپنا پہلا ون ڈے دسمبر 1989 میں پاکستان کے خلاف کھیلا تھا۔سچن نے 2013 میں ٹیسٹ سے ریٹائرمنٹ کا اعلان بھی کیا تھا اور انہوں نے انٹرنیشنل کرکٹ کو الوداع کہا تھا۔ سچن نے 463 ون ڈے میچوں میں 44.83 کی اوسط سے 18426 رنز بنائے اور انہوں نے 200 ٹیسٹ میچوں میں 53.78 کی اوسط سے 15921 رنز بنائے۔ سچن نے ٹیسٹ کیریئر میں 51 سنچریاں اور 68 نصف سنچری اسکور کیں ،
جبکہ ون ڈے میں انہوں نے 49 سنچریاں اور 96 نصف سنچریاں اسکور کیں۔سچن دنیا کے واحد بلے باز ہیں جنہوں نے بین الاقوامی کرکٹ میں 100 سنچریاں اسکور کیں۔ ان کے بعد آسٹریلیا کے سابق کپتان رکی پونٹنگ ہیں ، جن کی 71 سنچریاں ہیں جبکہ ہندوستانی کپتان وراٹ کوہلی کے نام اب تک 70 سنچریاں ہوچکی ہیں۔
