دوسروں کو دیش بھکتی کا سرٹیفکیٹ بانٹنے والے ہوگئے بے نقاب ہوگئے: سونیا گاندھی کی طنزیہ
نئی دہلی: (یو ڈی ائ) کانگریس کی صدر سونیا گاندھی نے جمعہ کے روز ری پبلک ٹی وی کے چیف ایڈیٹر ارنب گوسوامی کی مبینہ واٹس ایپ چیٹ کا حوالہ دیتے ہوئے کہا ہے کہ حب الوطنی اور قوم پرستی کے سرٹیفکیٹ بانٹنے والے لوگ اب پوری طرح سے بے نقاب ہوگئے ہیں۔
کانگریس ورکنگ کمیٹی (سی ڈبلیو سی) کے اجلاس میں انہوں نے یہ بھی الزام لگایا کہ حکومت نے کسان تنظیموں کے ساتھ بات چیت کے نام پر حیرت انگیز بے حسی اور تکبر کا مظاہرہ کیا ہے۔سونیا نے کہاکہ پارلیمنٹ کا اجلاس ایک ہفتہ میں شروع ہونے جارہا ہے۔ یہ بجٹ سیشن ہے ، لیکن عوامی مفادات کے بہت سارے معاملات ہیں جن پر مکمل بحث کرنے کی ضرورت ہے۔
کیا حکومت اس پر متفق ہوتی ہے ، یہ دیکھنا ہوگا؟مرکزی زرعی قوانین کے خلاف کسانوں کے احتجاج کا ذکر کرتے ہوئے انہوں نے الزام لگایاکہ کسانوں کا احتجاج جاری ہے اور حکومت بات چیت کے نام پر حیران کرنے والے غیر حساس اور تکبر کا مظاہرہ کیا۔
انہوں نے یہ بھی کہاکہ یہ واضح ہے کہ قوانین جلدی میں بنائے گئے اور پارلیمنٹ کو ان کے اثرات کا جائزہ لینے کا موقع نہیں دیا گیا ۔ ہم ان قوانین کو مسترد کرتے ہیں کیونکہ وہ غذائی تحفظ کی بنیادیں ختم کردیں گے۔
