ممبئی (پریس ریلیز) : ہندوستان میں اقلیتیں محفوظ نہیں کیونکہ یہاں فرقہ پرستی عروج پر ہے امریکہ نے بھی اس پر تشویش کا اظہار کیا ہے ہجومی تشدد میں بھی بے تحاشہ اضافہ ہوا ہے بی جے پی ملک میں نفرت کی سیاست کر رہی ہے اور ہندوؤں اور مسلمانوں میں تفریق پیدا کر کے پھوٹ ڈالو اور حکومت کرو کی پالیسی پر عمل پیرا ہے آج مسلمانوں کی معاشی اقصادی اور تعلیمی حالت دلتوں سے بھی بدتر ہے اس قسم کا اظہار خیالات آج یہاں ممبئی مراٹھی پترکار سنگھ میں منعقدہ یوم اقلیت کے موقع پر منعقدہ تقریب میں مہاراشٹر سماجوادی پارٹی لیڈر اور رکن اسمبلی ابوعاصم اعظمی نے کیا ہے انہوں نے کہا کہ بی جے پی تنہا مسلمان کو ہجومی تشدد کا شکار بنا رہی ہے اور گائے کے نام پر قتل و غارتگری کا ننگا ناچ ملک میں شروع کیا گیا ہے جب سے بی جے پی بر سر اقتدار آئی ہے اس وقت سے مسلمانوں پر حملہ میں اضافہ ہوا ہے یہاں مندر اور مسجد کے نام پر فساد کروائے جارہے ہیں اس میں اقلیتوں کو نقصان اٹھانا پڑتاہے اسی میں ہی بی جے پی کو کامیابی نظر آرہی ہے کشمیر کے حالات انتہائی خراب ہے کشمیر میں آرٹیکل 370 کے ہٹائےجانے کے بعد یہاں امن بحال نہیں ہے بلکہ شورش میں پورا کشمیر امن کا متلاشی ہے یہاں اسمبلی تحلیل کر کے غلط طریقے سے 370 ہٹایا گیا ہے جو جمہوریت کے خلاف ہے اور ناقابل قبول ہے جبکہ کشمیری عوام کو اعتماد میں لےکر 370 کا خاتمہ کیا جانا چاہئے تھالیکن سرکار نے طاقت ے بل بوتے پر یہ کام کیا ہے اس لئے کشمیر میں حالات مزید ابتر ہو گئے ہیں امریکہ نے بھی مسلمانوں پر ہونے والے تشدد پر اپنی تشویش کا اظہار رپورٹ میں کیا ہے جو سرکار کے لئے چشم کشا ہے ۔ اس پرسنجیدگی سے غور کرنے کے بجائے سرکاریہ کہتی ہے کہ یہ اس کا آپسی اور داخلہ معاملہ ہے اگر یہ سرکار کا داخلی معاملہ ہے تو اقلیتوں اور مسلمانوں کو انصاف کیوں نہیں دیا جارہا ہے ظلم و نا انصافی کے کوکھ سے دہشت گردی جنم لیتی ہے آج مسلمانوں پر ہندوستان میں عرصہ حیات تنگ کرنے کی کوشش کی جارہی ہے اوربی جے پی کا یہی ایجنڈہ بھی ہے لوجہاد کے نام پر کسی ایک فرقہ کو نشانہ بنانا قطعی درست نہیں ہے ایک مسلم نوجوان نے غیر مسلم لڑکی سے شادی کی تو اسے لو جہاد اور وہی مسلم لڑکی نے ہندو لڑکے سے شادی کرے تو اس بطور انعام پچاس ہزار روپئے دینے کا قانون منظور کیا جاریاہے یو پی میں تو لو جہاد کے نام پر نفرت پیدا کی جارہی ہے اس جلسہ سے خطاب کرتے ہوئے سماجوادی پارٹی کے جنرل سکریٹری عبدالقادر چودھری نے ملک کے حالات پر تشویش کا اظہار کرتے ہو ئے اسے ملک میں مسلمانوں کی نسل کشی کی کوشش قرار دیا اور کہا کہ حالات ایسے ہیں کہ مسلمانوں پر عرصہ حیات تنگ کرنے کے بی جے پی اپنے ایجنڈے پر عمل پیراہے اسے ناکام بنانے کے لئے اکثریتی فرقہ کو بھی اب میدان عمل میں آنا ہو گا یہی ملک کی ایکتا کی عظیم مثال ہو گی ریاست بھر میں اس قسم کے حالات جبرا پیدا کرنے کے لئے بی جے پی سر گرم ہو گئی ہے اس لئے اس کی ناپاک کو ششوں کو بے نقاب کرنا ہم سب کی ذمہ داری ہے اس یوم اقلیت کے موقع پر سماجوادی پارٹی کے لیڈر معراج صدیقی کارپوریٹر رخسانہ صدیقی مولانا سید اطہرعلی سمیت دیگر کارکنان موجود تھے ۔
