مہاراشٹر میں آسکتی ہے کورونا کی تیسری لہر ، سی ایم ادھو ٹھاکرے نے دیا تیاری کا حکم
ممبئی:(اردودنیا.اِن) ملک بھر میں کورونا وائرس کی وجہ سے صورتحال بے قابو ہے۔ کورونا انفیکشن کی تعداد تیزی سے بڑھ رہی ہے۔ کورونا کے بڑھتے ہوئے کیسوں کی وجہ سے اسپتالوں کی حالت خراب ہے۔ بہت سے مریض بستر کے لئے جدوجہد کر رہے ہیں ، جبکہ بہت سے آکسیجن کی کمی کی وجہ سے اپنی سانسوں سے لڑ رہے ہیں۔
ادھر مہاراشٹرا کے وزیر اعلی ادھو ٹھاکرے نے ایک اجلاس میں تمام ضلعی انتظامیہ کو حکم دیا ہے کہ کورونا کی تیسری لہر بھی آسکتی ہے ، اس بات کو ذہن میں رکھ کرتیاری کریں۔وزیر اعلی نے ہدایت دی ہے کہ اس کے لئے تمام اضلاع میں آکسیجن پلانٹس شروع کیے جائیں۔
تمام ضروری ادویات کی دستیابی کو برقرار رکھیں۔ انہوں نے یہ بھی کہا کہ غریبوں کے لئے اعلان کردہ معاشی پیکیج کے فوائد ان تک پہنچنے چاہئیں ، اس کے لئے ضروری اقدامات اٹھائیں۔وزیراعلیٰ نے واضح ہدایت دی ہے کہ ان تمام اعلانات کو صرف اعلانات تک ہی محدود نہ رکھیں بلکہ ان پر عمل درآمد بھی کریں۔
اس کے ساتھ یہ بھی ہدایت کی گئی ہے کہ وہ مزدور جو کورونا اور لاک ڈاؤن سے خوفزدہ ہوکر اپنے گاؤں گئے ہیں ، جب انفیکشن کم ہونے واپس آئیں گے تو اس چیز کا خاص خیال رکھنا ضروری ہے کہ لیکن وہ اپنے ساتھ انفیکشن نہ لائیں۔ انہوں نے کہا کہ اس بات کو یقینی بنانے کے لئے تمام آنے والے لوگوں کا رجسٹریشن ہونا چاہئے۔ اس کے ساتھ ہی لاک ڈائون صنعت بند نہ ہو ں یہ ذہن میں رکھ منظم کرنے کے احکامات بھی دیئے گئے ہیں۔
