ناگپور: (اردودنیا.اِن) ناگپور ملک کا پہلا شہر بن گیا ہے ، جہاں ایک سال پرانی لاک ڈاؤن کی کی کہانی دہرائی جارہی ہے۔ شہر میں نہ صرف کورونا کے مریضوں میں اضافہ ہورہا ہے ،بلکہ یہاں کی سڑکیں ایک بار پھر ویران ہوگئی ہیں۔ وجہ سال کا دوسرا لاک ڈاؤن ہے۔ گذشتہ سال 25 مارچ کو ملک گیر لاک ڈاؤن ہوا تھا۔ اب ، جب ٹھیک ایک سال باقی رہ گئے تھے ، تو ناگپور ملک کا پہلا شہر بن گیا ،
جہاں ایک ہفتہ کے لئے لاک ڈاؤن نافذ کردیا گیا ہے۔ پچھلے دو دن سے ناگپور میں 2 ہزار سے زیادہ کورونا کیسز رپورٹ ہوئے ہیں۔ وائرس کے بڑھتے ہوئے خطرے کے پیش نظر شہر میں 15 سے 21 مارچ تک ایک بار پھر لاک ڈاؤن لگادیا گیا ہے ۔ دودھ ، پھلوں اور سبزیوں کی دکانوں کے علاوہ تمام دوکانیں بند ہیں۔
لاک ڈاؤن کے پہلے دن ناگپور کی سڑکوں پر پولیس مستعد نظر آئی، زیادہ تر لوگ گھروں میں دبکے تھے اور باہر سے آنے والے بھی اپنے چہروں پر ماسک لگاتے تھے۔لاک ڈاؤن سے طبی اہلکار، پیرامیڈیکل اور ہنگامی خدمات میں شامل افراد کو لاک ڈاؤن کے باوجود باہر آنے کی اجازت ہے۔خیال رہے کہ اس بار لاک ڈاؤن میں قاعدہ سخت کردیا گیا ہے۔ دو پہیوں پر ڈبل سواروں پر بھی کارروائی کی جارہی ہے۔
