پربھنی میں اقلیتوں کے لیے سرکاری پالی ٹیکنیکل کالج نئے سال سے شروع ہوگا – ڈی پی ڈی سی میٹنگ میں میڈیکل کالج کی منظوری کے لئے قرارداد منظور – وزیر سرپرست نواب ملک کا پریس کانفرنس سے خطاب
پربھنی (سید یوسف) پربھنی ضلع میں اقلیتوں کے لئے عنقریب نئے سال سے پالی ٹیکنیکل کالج شروع ہو جائے گا – اسی طرح پربھنی میں سرکاری میڈیکل کالج کی منظوری کے لئے ڈی پی ڈی سی کے میٹنگ میں قرارداد منظور کر دی گئی ہے – اس طرح کی معلومات وزیر سرپرست نواب ملک نے صحیفہ نگاران سے خطاب کے دوران دی ہے – انہوں نے کہا کہ پربھنی ضلع میں سرکاری پالی ٹیکنیکل کالج کی منظوری کے پروپوزل کے لیے کئ مسائل درپیش آئے ہیں –
تاہم اس معاملہ میں رکن اسمبلی ڈاکٹر راہول پاٹل نے ڈی پی ڈی سی کے میٹنگ میں اس متعلق مدعا پیش کیا – جس پر وزیر سرپرست نواب ملک نے سرکاری سطح پر درپیش دشواریوں کے حل کے لیے نمائندگی کرنے کی یقین دہانی کروائی – اس معاملہ میں منترالیہ میں فوری طور پر نمائندگی کرنے کی بات کہی – اور کہا کہ آنے والے تعلیمی سال سے مذکورہ کالج کو شروع کردیا جائے گا –
اس جانب خصوصی اقدامات اٹھائے جائینگے – انہوں نے مزید کہا کہ پربھنی میں سرکاری میڈیکل کالج کی منظوری کے لئے ڈی پی ڈی سی میں کالج کی منظوری کے لئے قرارداد منظور کر دی گئی ہے – اس متعلق پربھنی ضلع میں سرکاری میڈیکل کالج کی منظوری کا مسلسل مطالبہ کیا جا رہا تھا – جس کے لیے سبھی ارکان ڈی پی ڈی سی نے متفقہ طور پر تائید اور حمایت کا اعلان کیا ہے –
اس متعلق ضلع کلکٹر آفیس کے دفتر میں وزیر سرپرست نواب ملک کی صدارت میں ڈی پی ڈی سی کی میٹنگ منعقد ہوئی – اس موقع پر سابق وزیر و رکن راجیہ سبھا ڈاکٹر فوزیہ تحسین خان نے پربھنی میں سرکاری میڈیکل کالج کی منظوری کے لئے قرارداد پیش کی – جس پر رکن شری نواس منڈے نے تائید کا اعلان کیا – میٹنگ میں موجود سبھی عوامی نمائندگان نے ایک جٹ ہو کر سرکاری میڈیکل کالج کی منظوری کے لئے سفارش کرتے ہوئے قرارداد کو متفقہ طور پر منظور کیا –
اس طرح کی معلومات وزیر سرپرست صحیفہ نگاران سے خطاب کے دوران دی – پریس کانفرنس میں ضلع کلکٹر دیپک مگڑیکر کے علاوہ, ضلع پریشد سی ائ او شیوانند ٹکسالے، ضلع ایس پی جینت مینا و دیگر افسران موجود تھے –
