ویب ڈیسک
پرینکا چوپڑا نے امریکی ٹی وی شو سپر سول سنڈے میں میزبان اوپرا ونفری کے ساتھ گفتگو میں متعدد حیران کن ، غیر متوقع انکشافات منظر عام پر آئے ہیں۔اس انٹرویو کے بعد پرینکا چوپڑا کی زندگی سے متعلق بہت سی چیزیں سامنے آ رہی ہیں۔
سپر سول سنڈے کو دیئے گئے اس انٹرویو میں پرینکا چوپڑا نے اپنی ذاتی زندگی کے علاوہ فلمی دنیا کے بارے میں کئ باتیں شیئر کیں۔ پرینکا چوپڑا کے اس انٹرویو کے بعد سوشل میڈیا پر بھی بہت سارے تنازعات بھی کھڑے ہو رہے ہیں۔ اس کے پیچھے بنیادی وجہ یہ ہے کہ اداکارہ نے کہا ہے کہ جب وہ بالی وڈ کیریئر کا آغاز کررہی تھیں تو ان کے ساتھ اچھا سلوک نہیں کیا گیا تھا۔
پرینکا چوپڑا نے بتایا کہ ایک بار ان سے ایک ہدایت کار نے برا سلوک کیا اوربار ڈا نس پرفارمنس دینے کا کہا ۔اداکارہ کا کہنا تھا کہ جیسے ہی مذکورہ ہدایت کار نے ان سے بار ڈانس پرفارمنس دینے کو کہا تو وہ بہت خوفزدہ اور بے چین ہو گئیں۔
ساتھ ہی پرینکا چوپڑا نے یہ بھی کہا کہ وہ اس ہدایت کار کا نام کبھی نہیں بتا سکتی جس کا انہیں ہمیشہ افسوس رہتا ہے۔پرینکا چوپڑا کا کہنا تھا کہ جب وہ فلمی صنعت میں نئی تھیں تو وہ تاثر یہ نہیں بنانا چاہتی تھی کہ ان کے ساتھ کام کرنا مشکل ہے۔اس وقت سلمان خان نے مداخلت کرکے معاملہ کو رفع دفع کیا تھا۔
