پٹرول – ڈیزل کی قیمتوں میں ریکارڈ اضافہ

نئی دہلی: (اردودنیا.اِن) دہلی میں گزشتہ کچھ دنوں میں پٹرول کی قیمتوں میں مسلسل اضافہ ہورہا ہے۔ گزشتہ ہفتے سے ہی دارالحکومت میں پٹرول اپنے ریکارڈ سطح کو عبور کررہا ہے۔ منگل 26 جنوری کو پٹرول کی قیمتوں میں بھی اضافہ کیا گیا ہے ، جس کے بعد پٹرول ایک بار پھر اپنے نمایاں سطح پر آگیا ہے۔

انڈین آئل کارپوریشن کے مطابق منگل کے روز دہلی میں پٹرول کی قیمتوں میں 35 پیسے کا اضافہ ہوا ہے ، جس کے بعد اس کی قیمت 85.70 روپے فی لیٹر سے بڑھ کر 86.05 روپے فی لیٹر ہوگئی ہے۔ نہ صرف پٹرول بلکہ ڈیزل کی قیمتوں میں بھی 35 پیسے کا اضافہ ہوا ہے ،

جس کے بعد ڈیزل کی قیمت 75.88 روپے فی لیٹر سے بڑھ کر 76.23 روپے فی لیٹر ہوگئی ہے۔اس کے علاوہ ملک کے دیگر میٹرو شہروں میں بھی ایندھن کی قیمتوں میں ترمیم کی گئی ہے۔ منگل کو ممبئی میں پٹرول 92.62 روپے فی لیٹر اور ڈیزل 83.03 روپے فی لیٹر پر فروخت ہورہا ہے۔ واضح رہے کہ دہلی میں پٹرول کی قیمتیں سب سے زیادہ ہیں جبکہ ڈیزل ممبئی میں اب تک کی نمایاں قیمتوں پر فروخت ہورہا ہے۔