جے پو :(اردودنیا.اِن/ایجنسیاں)کانگریس کے ممبر اسمبلی ہیمارام چودھری نے ہفتے کے روز کہا ہے کہ انہوں نے کچھ تکلیف کی وجہ سے اسمبلی کے اسپیکر کو اپنا استعفیٰ بھیج دیا ہے۔ انہوں نے یہ بھی کہاہے کہ کانگریس کے ریاستی صدر اب اس معاملے کو حل کرسکتے ہیں۔ہیمارام چودھری نے باڑمر کی گدھملانی اسمبلی نشست سے چھٹی بار ایم ایل اے ہیں۔چودھری نے یہاں نامہ نگاروں کوبتایاہے کہ میں نے اپنااستعفیٰ بھیج دیا ہے اور اسپیکر کو اس سلسلے میں فیصلہ کرنا ہے۔
ریاستی صدر گووند سنگھ ڈوٹاسارا نے مجھ سے بات کی اور کہاہے کہ یہ پارٹی کا اندرونی معاملہ ہے۔ وہ ریاست میں پارٹی کے سربراہ ہیں اور اب انہیں اس مسئلے کو حل کرنا پڑے گا۔تاہم انھوں نے یہ انکشاف نہیں کیاکہ وہ کس چیز میں پریشان ہیں۔انہوں نے کہاہے کہ انہوں نے اپنا استعفیٰ بھیج دیا ہے اور اس کے بارے میں بات کرنا ضروری نہیں ہے۔
انہوں نے کہاہے کہ اس وقت ان کی ترجیح علاقے کے کورونا سے متاثرہ لوگوں کی مدد کرنا ہے۔اسپیکر نے ابھی تک چودھری کے استعفیٰ کا فیصلہ نہیں کیا ہے۔ چودھری راجستھان قانون ساز اسمبلی میں قائد حزب اختلاف اور سابق وزیر انکم ٹیکس رہ چکے ہیں۔
چودھری ، جو چھٹی بار ایم ایل اے ہیں ، ریاست میں سچن پائلٹ کیمپ کے ممبر ہیں۔ پچھلے سال جب سچن پائلٹ نے وزیر اعلیٰ اشوک گہلوت کے خلاف بغاوت کی تو ہیمارام چودھری ان 18 ارکان اسمبلی میں شامل تھے جنہوں نے ان کی حمایت کی۔
