لکھنؤ، 18 ستمبر :(اردودنیا.اِن/ایجنسیاں)اتر پردیش میں آئندہ اسمبلی انتخابات سے پہلے بی جے پی، بی ایس پی سمیت ریاست کی تمام بڑی جماعتیں اس بار برہمن ووٹ بینک حاصل کرنے میں مصروف ہیں۔ ساتھ ہی اب سماج وادی پارٹی (ایس پی) نے دلتوں کو اپنے پالے میں لانے کی کوشش شروع کر دی ہے، جس کی وجہ سے ایس پی 19 ستمبر سے دلت ڈائیلاگ پروگرام شروع کرنے جا رہی ہے۔
دلت ڈائیلاگ پروگرام، جس کا آغاز سماج وادی پارٹی 19 ستمبر کوایس پی کی لوہیا واہنی کرے گی۔ لوہیا واہنی کے ریاستی صدر ڈاکٹر رام کرن نرمل نے بتایا کہ دلتوں کے درمیان جانے اور ان سے بات چیت کا یہ پروگرام 27 ستمبر تک جاری رہے گا۔ یوپی کانپور، اوریا، قنوج، فرخ آباد، مین پوری، ایٹاوہ، فیروز آباد، آگرہ اور متھرا میں کام کرے گی۔ دلت ڈائیلاگ سے اپیل کی جائے گی کہ آئندہ انتخابات میں ایس پی کو کامیابی دلائی جائے۔
