مینارٹی ورکنگ جرنلسٹ ویلفیئر ایسوسی ایشن کورٹلہ کے انتخابات، محمد چاند پاشاہ بلا مقابلہ صدر منتخب
مینارٹی ورکنگ جرنلسٹ ویلفیئر ایسوسی ایشن کورٹلہ میں اتفاق رائے سے نئی ٹیم تشکیل
کورٹلہ:(راست) مینارٹی ورکنگ جرنلسٹ ویلفیئر ایسوسی ایشن کورٹلہ کے انتخابات جی۔ایس گارڈن کورٹلہ میں منعقد ہوئے جن میں ایسوسی ایشن سے وابستہ تمام سینیئر و جونیئر ورکنگ جرنلسٹس کے ہمراہ صحافیوں کی مختلف یونینوں، تنظیموں سے وابستہ جرنلسٹ قائدین اور پریس کلب کورٹلہ کے قائدین نے بحیثیت مہمان خصوصی شرکت کی۔
مہمانان خصوصی میں مکرا چندرا شیکھر صدر پریس کلب کورٹلہ، بی وی رنگا راؤ رکن قومی کونسل آئی جے یو، چولہ نوین نائب صدر پریس کلب کورٹلہ، آکولہ ملکا ارجن معتمد پریس کلب کورٹلہ، اور شیخ علی نواب ریاستی صدر ٹی ڈبلیو جے اے شامل تھے، جنہوں نے انتخابات کی نگرانی کی۔
اس موقع پر متفقہ طور پر محمد چاند پاشاہ سینیئر جرنلسٹ کو بحیثیت صدر منتخب کیا گیا جبکہ محمد سلیم فاروقی کو اعزازی صدر، محمد الیاس احمد خان کو مشیر اعلیٰ، اور ایڈوکیٹ سید انس کو قانونی مشیر منتخب کیا گیا۔دیگر عہدوں میں محمد علی (تلگو صحافی) معتمد، محمد احمد نائب صدر، محمد یوسف شریک معتمد، اور محمد نجیب اللہ خازن کے طور پر منتخب ہوئے۔
اراکینِ شورا میں محمد یونس، محمد سمیر، عبدالرحیم جبکہ ایسوسی ایشن کے دیگر اراکین میں محمد عبدالمصور، محمد ساجد علی، احمد عبدالرب، شیخ صادق، محمد خضر، محمد عارف علی، محمد صادق اور محمد ذاکر حسین شامل ہیں۔
مہمان خصوصی مکرا چندرا شیکھر اور بی وی رنگا راؤ نے اپنے خطاب میں نو منتخبہ قائدین کو مبارکباد پیش کرتے ہوئے کہا کہ ایسوسی ایشن نہ صرف صحافت بلکہ عوامی و سماجی خدمات کے میدان میں بھی نمایاں کردار ادا کرے گی۔ انہوں نے کہا کہ اراکین بدعنوانیوں، جانبدارانہ صحافت اور غلط رویوں سے گریز کریں، اور اپنی قلم کے ذریعے عوامی مسائل کے حل کے لیے متحد ہوکر کام کریں۔
انہوں نے یقین دلایا کہ مختلف یونینوں، تنظیموں اور طبقات سے وابستہ تمام صحافیوں کا تعاون ہمیشہ مینارٹی ورکنگ جرنلسٹ ویلفیئر ایسوسی ایشن کورٹلہ کے ساتھ رہے گا۔
اس موقع پر محمد چاند پاشاہ صدر اور محمد علی معتمد نے اراکین کی جانب سے اعتماد پر اظہار تشکر کیا اور عہد کیا کہ وہ بغیر کسی تفریق کے تمام اراکین کے ساتھ مل کر صحافیوں کے مسائل حل کرنے اور ایسوسی ایشن کو ترقی کی راہ پر گامزن کرنے کے لیے کام کریں گے۔
اختتام پر نو منتخب صدر، معتمد، دیگر اراکین اور مہمانانِ خصوصی کی شال پوشی کرتے ہوئے انہیں تہنیت پیش کی گئی۔اس تقریب میں مکرا چندرا شیکھر، بی وی رنگا راؤ، چولہ نوین، آکولہ ملکا ارجن، شیخ علی نواب، محمد چاند پاشاہ، محمد عبدالمصور، محمد ساجد، محمد احمد، محمد علی، محمد نجیب اللہ، محمد یونس، شیخ عبدالرحیم، شیخ صادق، محمد خضر، محمد عارف علی، محمد صادق، محمد ذاکر حسین اور دیگر صحافی شریک تھے۔
