کولکاتا:(اردودنیا.اِن)مغربی بنگال اسمبلی انتخابات کے دوران ریلیوں اور روڈ شوز میں پروٹوکول کی پیروی نہ کرنے کے بارے میں بہت سی قیاس آرائیاں جاری ہیں۔ کلکتہ ہائیکورٹ نے بھی دو دن پہلے سخت موقف دکھایا تھا۔ ہر طرح کی بحث و مباحثے کے درمیان ، الیکشن کمیشن نے واضح کردیا ہے کہ بنگال میں باقی انتخابات بیک وقت نہیں ہوں گے۔ ابھی ووٹنگ کے چار دور باقی ہیں اور انتخابات پہلے سے طے شدہ تاریخوں پر ہوں گے۔
اہم بات یہ ہے کہ بنگال انتخابات کے دوران الیکشن کمیشن نے تمام سیاسی جماعتوں کے رہنماؤں کی میٹنگ طلب کی ہے تاکہ اس بات کا جائزہ لیا جاسکے کہ کیا کوڈ پروٹوکول پر عمل کیا جارہاہے۔ اس دوران بہت سے امور پر تبادلہ خیال کیا گیا۔ کلکتہ ہائی کورٹ نے انتخابی جلسوں میں سماجی دوری کے واقعات کو سنجیدگی سے لیتے ہوئے الیکشن کمیشن کونشانہ بنایاتھا۔عدالت نے کمیشن سے کہا تھا کہ وہ اس بات کو یقینی بنائے کہ انتخابی عمل کے دوران کوویڈ قواعد پر سختی سے عمل کیا جائے۔
