سیمتا پاٹل: وہ اداکارہ جس نے حقیقت اور شہرت دونوں کو پردے پر جیا

سیمتا پاٹل کی شاندار اداکاری: متوازی سنیما سے لے کر کمرشیل فلموں تک

سیمتا پاٹل Samita Patil متوازی اور کمرشیل دونوں طرح کی فلموں کی کامیاب اداکارہ ہندوستانی سنیما کی اسٹار اداکارہ سیمتا پاٹل نے اپنی بہترین ادکاری سے متوازی فلموں کے ساتھ ساتھ کمرشیل فلموں میں ناظرین کے بیچ اپنی خاص جگہ بنائی پونے شہر میں 17 اکتوبر 1955 کو پیدا ہونے والی سیمتا پاٹل نے اپنے آبائی شہر سے مکمل کی۔

انکے والد شیواجی رائے پاٹل مہاراشٹر حکومت میں وزیر تھے جبکہ ان کی والدہ سماجی کارکن تھیں۔ کالج کی تعلیم مکمل کرنے کے بعد وہ مراٹھی ٹیلی ویژن میں بطور نیوز ریڈر کا کام کرنے لگی تھیں۔ اس دوران ان کی ملاقات معروف ڈائرکٹر اور ہدایت کار شیام بینگل سے ہوئی۔

وہ ان دنوں اپنی فلم ’ چرن داس چور‘ بنانے کی تیاری کر رہے تھے۔ شیام بینگل کو سیمتا پاٹل Samita Patil میں ایک ابھرتی ہوئی اداکارہ نظر آئی اور انہوں نے اپنی فلم میں سیمتا کو ایک چھوٹا سا کردار دے دیا۔ منتھن اور بھومیکا میں سیمتا کے ساتھ نصیرالدین شاہ، شبانہ اعظمی، امول پالیکر اور امریش پوری جیسے مشہور اداکاروں نے کام کیا تھا۔

فلم بھومیکا سے سیمتا پاٹل کا جو سفر شروع ہوا وہ چکر، نشانت ، آکروش، گدھ، البرٹ پنٹو کو غصہ کیوں آتا ہے اور مرچ مصالحہ جیسی فلموں تک جاری رہا۔

سال 1980 میں ریلیز فلم ’چکر میں سیمتا پاٹل نے جھونپڑی میں رہنے والی خاتون کا کردار ادا کیا جس کے لئے انہیں دوسری مرتبہ قومی ایوارڈ سے سرفراز کیا گیا۔ 80 کی دہائی میں اسمتا پاٹل نے کمرشیل فلموں کی طرف اپنا رخ کیا اور اس دوران انہوں نے سپراسٹار امیتابھ بچن کے ساتھ ’نمک حلال‘ اور ’شکتی ‘ جیسی سپرہٹ فلموں میں کام کیا جس کے بعد سیمتا پاٹل نے کمرشیل فلموں میں بھی کامیابی حاصل کی۔ سال 1985 میں ہندوستانی سنیما میں انہیں شاندار اداکاری کی وجہ سے پدم شری ایوارڈ سے نوازا گیا۔

ہندی فلموں کے علاوہ سیمتا نے مراٹھی، گجراتی،تیلگو، بنگلہ، کنڑ اور ملیالم فلموں میں بھی اپنی اداکاری کے جوہر دکھائے۔ اس کے علاوہ اسمتا کو عظیم فلمکار ستیہ جیت رے کے ساتھ بھی کام کرنے کا موقع ملا۔ ان کی اداکاری والی منشی پریم چندر کی کہانی پر مبنی ٹیلی فلم ’سدگتی‘ کو آج بھی یاد کیا جاتا ہے۔ اپنی بہترین ادکاری سے دودہائی تک ناظرین کے دلوں میں چھانے والی ادکارہ سیمتا پاٹل نے محض 31 سال کی عمر میں 13 دسمبر 1986 کو اس دنیا کو الوداع کہہ دیا۔

ان کی موت کے بعد سال 1988 میں ان کی فلم وارث ریلیز ہوئی جو سیمتا پاٹل کے فلمی کیریئر کی اہم فلموں میں سے ایک تھی۔

بنگال کی ’دیوی‘ سے ’کشمیر کی کلی‘ تک: شرمیلا ٹیگور کی فلمی اور ذاتی زندگی کی دلچسپ کہانی