تریپورہ : بپلب دیو حکومت پر بحران؟ ممبران اسمبلی میں بڑھتی ناراضگی دور کرنے جائیں گے بی جے پی کے قومی صدر نڈا

امپھال،25جون:(اردودنیا/ایجنسیاں) #تریپورہ #حکومت میں #بی جے پی اور آئی پی ایف ٹی اتحاد کے درمیان سب کچھ طے کرنے کیلئے بی جے پی کے قومی صدر جے پی نڈا تریپورہ جائیں گے۔ بی جے پی کی اتحادی آئی پی ایف ٹی کے لیڈران دہلی آئے اور نڈا سے ملاقات کی اور انہیں اپنے خدشات کے بارے میں آگاہ کیا۔ بی جے پی نے بائیں بازو کی 25 سالہ پرانی حکومت کو ختم کرنے کے بعد تریپورہ میں پہلی بار آئی پی ایف ٹی کے ساتھ #حکومت تشکیل دی،

جبکہ بی جے پی کے کچھ ایم ایل اے سی ایم بپلب دیو سے ناراض ہیں اور وقفے وقفے سے اپنی آواز بلند کرتے رہتے ہیں۔ وہی آئی پی ایف ٹی ممبران بھی حکومت سے خوش نہیں ہیں۔ذرائع کے مطابق آئی پی ایف ٹی نے بی جے پی کے قومی صدر جے پی نڈا کو بتایا کہ مختلف وجوہات کی وجہ سے لوگ ریاست میں حکومت سے خوش نہیں ہیں۔

اس کی ایک وجہ جس کا انہوں نے حوالہ دیا وہ یہ ہے کہ ایک عشرے سے زیادہ عرصے سے سرکاری ملازمین کی ترقی نہیں ہوئی ہے، تاہم کچھ عرصہ پہلے اڈاک پروموشن کا راستہ صاف کیاگیا ہے۔ذرائع کے مطابق آئی پی ایف ٹی نے پہلے اپنے خدشات وزیراعلی بپلب دیو کو پہنچائے لیکن کوئی حل نہیں نکلا۔

کچھ دن پہلے جب بی جے پی کے قومی تنظیم کے وزیر بی ایل سنتوش تریپورہ گئے تھے تو آئی پی ایف ٹی لیڈران نے ان کے سامنے بھی اپنی بات رکھی تھی۔ اب جے پی نڈا سے ملاقات کے بعد وہ امید کرتے ہیں کہ ریاست کے قبائلی آبادی کو خوش کرنے کے لئے یقینی طور پر کچھ اقدامات کئے جائیں گے۔