نئی دہلی،07؍جولائی :(اردودنیا.اِن/ایجنسیاں)کیرالا میں کورونا کے بڑھتے ہوئے کیسزکے پیش نظر ریاستی حکومت نے ان جگہوں پر سخت پر پابندی عائد کرنے کا فیصلہ کیا ہے جہاں کورونا کیسز میں مسلسل اضافہ ہورہا ہے۔ نیز جن جگہوں پر کورونا کیسز معمولی ہیں وہاں رعایت دینے کا فیصلہ کیا گیا ہے اسی وجہ سے حکومت نے تمام مقامات کو مختلف قسموں میں تقسیم کردیا ہے۔ در اصل یہ فیصلہ وزیر اعلی پنارائی وجین(Chief Minister Pinarayi Vijayan) کی زیرصدارت جائزہ اجلاس میں لیا گیا ہے۔
مرکزی وزارت صحت نے بتایا کہ کیرالہ کے سات اضلاع میں 10 فیصد سے زیادہ پوزیٹیو کیسز پائے گئے ہیں۔ معلومات کے مطابق جہاں مثبت شرح 5 سے کم ہے ، ان علاقوں کوA زمرے میں شامل کیا گیا ہے ، جبکہ 5 سے 10 کے درمیان والے پوزیٹیوعلاقوں کو بی زمرے میں شامل کیا گیا ہے اور 10 سے15 کے درمیان والے پوزیٹیوعلاقوں کوسی زمرے میں شامل کیا گیا ہے۔ جبکہ 15 سے اوپر والے علاقوں کو ڈی زمرے میں رکھا گیا ہے۔
معلومات کے مطابق اے اور بی زمرے والے علاقوں میں سرکاری دفاتر میں ملازمین کی مکمل موجودگی ہوگی ۔ جبکہ سی زمرے میں آنے والے علاقے میں 50 فیصد افرادی کام کریں گے۔ نیز ریاست نے اے اور بی زمرے والے ریستوراں اور ہوٹلوں کو رات 9.30 بجے تک ہوم ڈیلیوری خدمات کی اجازت دی ہے۔ اس کے علاوہ وزارت صحت کی ہدایات کو مدنظر رکھتے ہوئے حکومت نے سیاحتی علاقوں میں رہائش کی اجازت دی ہے۔
