بھوپال،18؍اگست:(اردودنیا.اِن/ایجنسیاں) مدھیہ پردیش کے ستنا ضلع کے ناگود میں سنتوش نام کے ایک شخص کی بے رحمی سے پٹائی کا ویڈیو وائرل ہوا ہے۔ وائرل ویڈیو میں غنڈوں کے ہاتھوں میں پائپ نما ڈنڈے ہیں۔ اس شخص کو مارنے کے بعد وہ انہیں جوتا سر پر رکھنے کا حکم دیتے ہیں اور انہیں تھوک چاٹنے پر مجبور کرتے ہیں۔ اس کیس کا ملزم ششانک سنگھ ہے، جس نے ناگود سے اسمبلی الیکشن لڑا ہے۔ ملزم گھر میں گھس کر متاثرہ کو گولی مارنے کی دھمکیاں بھی دے رہا ہے۔ اس معاملے میں شکایت کرنے پر پہلے تو پولیس نے اسے قابل حساس معاملہ نہیں سمجھا۔ پولیس سپرنٹنڈنٹ (ایس پی) کی مداخلت پر ایک مقدمہ درج کیا گیا اور ملزمان کو گرفتار کر لیا گیا۔
معلومات کے مطابق #ویڈیو تین دن پرانی بتائی جا رہی ہے۔ #ملزم ششانک بگھیل نے اپنے ساتھیوں کے ساتھ مل کر سنتوش پانڈے کو زدوکوب کیا، جو تعمیراتی سامان سپلائی کرتا ہے، صرف اس لیے #غنڈوں نے اس کی #پٹائی کیونکہ وہ ان کے جاننے والے کی #دکان سے سامان #خریدنے کے لیے تیار نہیں تھا۔
پولیس سپرنٹنڈنٹ ستنا نے بتایا کہ ملزم ششانک بگھیل اور اس کے تین ساتھیوں کے خلاف تھانہ ناگود میں دفعہ 365,386,341,294,323,500,506,34آئی پی سی کا مقدمہ درج کیا گیا ہے۔ اس پر دس ہزار روپئے نقد انعام کا بھی اعلان کیا گیا۔ نصف شب میں اس کیس کے اہم ملزم ششانک سنگھ بگھیل اور اس کے ساتھی ونئے سنگھ کو سدھی ضلع سے پولیس #تحویل میں لیا گیا۔
