ڈاکٹر عبدالقدیر چیئرمین شاہین ادارہ جات بیدر کو آل انڈیا مسلم پرسنل لاء بورڈ کا میقاتی رکن نامزد کئے جانے پر بیدر ضلع کے علماء و مُختلف جماعتوں و تنظیموں کے ذمہ داران کی جانب سے مبارکباد
بیدر۔22/دسمبر۔( محمد امین نواز ) ۔ محترم مولانا خالد سیف اُللہ رحمانی دامتِ برکاتہم جنرل سیکریٹری آل انڈیا مسلم پرسنل لا ء بورڈ کی اطلاع کے بموجب دینی‘ملی‘سماجی میدان میں خدمات انجام دینے والے ماہرِ تعلیم با اثر شخصیت ڈاکٹر عبدالقدیر چیئرمین شاہین ادارہ جات بیدر کو بحیثیتِ رکن میقاتی مسلم پرسنل لاء بورڈ نامزدکر لیا گیا۔ اس نامزدگی کا فیصلہ آل انڈیا مسلم پرسنل لاء بورڈ کے 27 ویں سالانہ اجلاس کانپور میں کیا گیا۔
صدر محترم مولانا محمد رابع حسنی ندوی دامت برکاتہم و جنرل سکریٹری حضرت مولانا خالد سیف اللہ رحمانی دامت ِ برکاتہم کی خصوصی توجہ سے مندرجہ بالا نامزدگی عمل میں آئی۔ 20 اور 21 نومبر 2021ء کو کانپور میں منعقد بورڈ کا یہ ستائیسواں اجلاس صدر بورڈ حضرت مولاناسید محمد رابع حسنی صاحب ندوی مدظلہ کی زیر صدارت منعقد ہوا تھا۔
جس میں ملک کے مختلف اہم شخصیات کا انتخاب عمل میں آیا۔ اسی اجلاس میں جنوبی ہند بالخصوص ریاست کرناٹک سے ڈاکٹر عبدالقدیر چیئرمین شاہین ادارہ جات بیدر کوبطور رکن میقاتی نامزد کیا گیا۔بیدر ضلع سے پہلی مرتبہ بورڈ میں میقاتی رکن نامزد ہونے پر عموماً ریاست کرناٹک میں خوشی کی لہر دوڑ گئی۔
اس پرمسرت موقع پر مولاناحافظ سید عبدالوحیدقاسمی صاحب صدر آل انڈیا ملی کونسل ضلع بیدر‘مولانا عبدالغنی خان صاحب معتمد جامعہ اسلامیہ مدینۃ العلوم بیدر‘صدر جمعیت علماء ہند ضلع بیدر‘مولانا مونس کرمانی صاحب صدر صفا بیت المال بیدر‘مولانا مفتی سید سراج الدین نظامی چیئرمین روضہ مشن اسکول بیدر‘جناب سید عبدالستار صاحب امیر ِ مقامی جماعتِ اسلامی ہند بیدر‘محمد اکرم علی ناظم ضلع جماعت اسلامی ہند بیدر‘محمد معظم صاحب جنرل سیکریٹری رابطہ ملت ضلع بیدر‘جناب شاہ حامد محی الدین قادی صاحب سکریٹری جمعیت اہلِ حدیث ضلع بیدر‘جناب رفیق احمد صاحب اسٹیٹ کوآرڈینیٹر امت کا تحفظ جماعت ِ اسلامی ہند کرناٹک‘صدر کارنیا سوہاردا سوسائٹی بیدر‘نے ڈاکٹر عبدالقدیر چیئرمین شاہین ادارہ جات بیدر کو دل کی عمیق گہرائیوں سے مبارکباد پیش کرتے ہوئے اپنی نیک تمناؤں کا اِظہار کیا ہوا اور نہایت مسرت کا اِظہار کیا ہے۔اور اُمید ظاہر کی ہے کہ ڈاکٹر عبدالقدیر صاحب اپنی با اثر صلاحیتوں سے بطور میقاتی رکن آل انڈیا مسلم پرسنل لاء بورڈ بہترین خدمات انجام دیں گے۔
