ناجائزتعلقات کا شاخسانہ، بیوی نے شوہر کا گلا دبا کر قتل کر دیا، خاتون گرفتار
پولیس نے قتل میں استعمال ہونے والی رسی بھی برآمد کر لی ہے۔ ساتھ ہی مقتول کے بھائی نریش کی گرفتاری کی کوششیں کی جا رہی ہیں۔ فی الحال گرفتار ملزمہ خاتون کو جیل بھیج دیا گیا ہے۔
نادیگاؤں:(اردودنیا.اِن/ایجنسیاں) تین روز قبل جالون میں ایک نوجوان کو گلا دبا کر قتل کیا گیا تھا ۔ اس کے علاوہ قاتلوں نے ان کی نعش گھر کے باہر پھینک دی تھی۔ جالون کے پولیس سپرنٹنڈنٹ روی کمار نے جمعرات کو اس قتل کیس کا انکشاف کیا ہے ۔ قتل کسی اور نے نہیں بلکہ نوجوان کی بیوی اور مقتول کے چھوٹے بھائی نے مل کر کیا ہے۔ پولیس نے ملزمہ بیوی کو گرفتار کر لیا ہے۔ جبکہ مقتول کے چھوٹے بھائی کی گرفتاری کے لیے کوششیں جاری ہیں۔ پولیس سپرنٹنڈنٹ نے بتایا کہ مقتول کی بیوی کے اپنے دیورکے ساتھ تعلقات تھے ۔ متوفی کو اس بات کا علم ہوا تھا۔ جس پر اس نے خاتون کو مارا پیٹا، اسی دوران مقتول کے چھوٹے بھائی نے اپنی بھابھی کے ساتھ مل کر اس کا گلا دبا کر قتل کردیا۔
یہ قتل 10 دسمبر کی رات نادیگاؤں تھانہ علاقہ کے چوپڑا علاقہ میں ہوا تھا۔ پولیس سپرنٹنڈنٹ کے دفتر میں اس کا انکشاف کرتے ہوئے سپرنٹنڈنٹ آف پولیس روی کمار نے بتایا کہ 10 دسمبر کی رات راجندر عرف چنو (26) کی نعش گھر کے باہر دروازے پر ملی۔ راجندر سبزی بیچتا تھا اور بس اسٹینڈ پر اس کی سبزی کی دکان تھی اور اسی سے خاندان کا خرچ چلتا تھا۔ اپنے بھائی کی موت کو قتل بتاتے ہوئے متوفی کے بھائی رام کمار نے اپنی بھابی روبی پر قتل کا الزام لگاتے ہوئے نادیگاؤں تھانے میں قتل کا مقدمہ درج کرایا تھا۔ جس پر پولیس نے نعش پوسٹ مارٹم کے لیے مردہ خانے بھجوا دی۔ اور اس میں قتل کی رپورٹ تھی۔
شوہر کو بیوی کے افیئر کا علم ہو گیا۔
قتل کا مقدمہ درج کرتے ہوئے تحقیقات کے دوران متوفی راجندر کی بیوی روبی اور اس کے چھوٹے بھائی نریش عرف ننھی بٹیا اور روبی کے بھتیجے روہت کے نام سامنے آئے ہیں۔ جس میں نریش اور اس کے بھتیجے روہت کے ساتھ روبی کا عشق چل رہا تھا۔ راجندر کو اس بات کا علم ہو گیا تھا۔ راجندر نے اس کی مخالفت کی۔ جس پر میاں بیوی میں لڑائی ہو گئی۔ اس جھگڑے کے دوران نریش بھی موقع پر پہنچ گیا۔ جس کے بعد اس نے روبی کے ساتھ مل کر راجندر کا گلا دبا کر قتل کردیا۔ اس کے علاوہ نعش گھر کے باہر پھینک دی گئی۔ تاکہ شک کسی اور پر جائے ۔ جس میں ملزم خاتون روبی کو گرفتار کر لیا گیا ہے۔ جبکہ قتل میں استعمال ہونے والی رسی بھی برآمد کر لی گئی ہے۔ ساتھ ہی مقتول کے بھائی نریش کی گرفتاری کی کوششیں کی جا رہی ہیں۔ فی الحال گرفتار ملزمہ خاتون کو جیل بھیج دیا گیا ہے۔
