بیوی کی محبت میں شوہر رکاوٹ،عاشق کے ساتھ مل کر شوہر کا قتل

نئی دہلی:(اردودنیا.اِن/ایجنسیز) گریٹر نوئیڈا میں ایک دل دہلا دینے والا معاملہ سامنے آیا ہے، جہاں محبت کی وجہ سے بیوی نے عاشق کے ساتھ مل کر شوہر کو قتل کر کے نعش سیپٹک ٹینک میں پھینک دی۔ واقعہ کے 14 دن بعد بسرکھ پولیس نے قتل کیس کا انکشاف کیا ہے۔ بلند شہر کے ستیش پال اپنے خاندان کے ساتھ گریٹر نوئیڈا ویسٹ کی سرسوتی کنج کالونی میں رہتے تھے۔ خاندان میں بیوی نیتو اور 5 سال کا بچہ ہے۔ ستیش پال نوئیڈا میں ایک کمپنی میں کام کرتے تھے۔ ستیش پال کی بیوی نیتو کو راج مستری ہرپال سے پیار ہو گیا جو پڑوسی اجے کے گھر کام کرتا تھا۔ شوہر ستیش پال ان کی محبت میں رکاوٹ بن رہا تھا۔ ستیش پال کو راستے سے ہٹانے کا منصوبہ بنایا گیا۔ 2 جنوری کی رات ستیش پال کی شراب میں نشہ آور چیزیں ملائی گئی تھیں۔

بیہوش ہونے کے بعد دونوں نے ستیش پال کا گلا دبا کر قتل کردیا۔ اس واقعہ کو انجام دینے میں مستری ہرپال کے ایک مزدور گورو نے بھی تعاون کیا۔نعش کو اجے کے زیر تعمیر مکان کے سیپٹک ٹینک میں دفن کیا گیا تھا۔ 10 جنوری کو غازی آباد کے رہنے والے بھائی چھوٹے لال نے ستیش کے لاپتہ ہونے کی اطلاع بسراکھ پولیس کو دی۔ پولیس نے گمشدگی کا مقدمہ درج کرکے تفتیش شروع کردی۔ تفتیش کے دوران پولیس کو ہرپال پر شک ہوا۔ سختی سے پوچھ گچھ پر ہرپال نے قتل کیس کا انکشاف کیا۔ہرپال نے بتایا کہ متوفی کی بیوی کے ساتھ محبت کا معاملہ چل رہا تھا۔ جب ان کی محبت میں کوئی رکاوٹ آئی تو ستیش پال کو اس کے مزدور اور نیتو کے ساتھ مل کر قتل کر دیا گیا۔

ارتکاب جرم کے بعد مقتول کی نعش کو سیپٹک ٹینک میں دفن کر دیا گیا۔ پولیس نے ہرپال کے بتانے پر سیپٹک ٹینک کھول کر متوفی کی نعش برآمد کرلی ہے۔ قتل کیس کا انکشاف کرتے ہوئے بسراکھ پولیس نے عاشق ہرپال اور گرل فرینڈ نیتو کو گرفتار کر لیا ہے۔ پولیس گورو نامی مفرور ملزم کی تلاش کر رہی ہے۔ ایڈیشنل ڈی سی پی وشال پانڈے نے بتایا کہ نیتو نے قتل میں ملوث گورو نامی ملزم کو 20,000 روپے اور کچھ زیورات دیے تھے۔ گورو لالچ دے کر قتل میں ملوث تھا۔ متوفی کی نعش کو تحویل میں لے کر پوسٹ مارٹم کے لیے بھیج دیا گیا ہے۔ پولیس نے مزید کارروائی شروع کر دی ہے۔