آندھرا:سابق وزیر اعلی کرن ریڈی بی جے پی میں شامل

kiran kumar reddy bjp  حیدرآباد،7اپریل:(اردودنیا.اِن/ایجنسیز)کانگریس کے سینئر لیڈر اور آندھرا پردیش کے سابق چیف منسٹر کرن کمار ریڈی جمعہ کو بی جے پی میں شامل ہوگئے۔ کانگریس چھوڑتے وقت ریڈی نے صدر ملکارجن کھرگے کو ایک سطری استعفی خط بھیجا تھا۔ریڈی پہلے ہی کانگریس سے استعفیٰ دے چکے ہیں۔ 2014 میں جب یو پی اے حکومت نے تلنگانہ کو آندھرا سے الگ کرنے کا فیصلہ کیا تو ریڈی نے احتجاجاً پارٹی چھوڑ دی۔اس کے بعد انہوں نے اپنی جئے سماکیہ آندھرا پارٹی بنائی اور عام انتخابات میں امیدوار کھڑے کئے۔ وہ ایک بھی سیٹ نہیں جیت سکے۔ اس کے بعد ریڈی طویل عرصے تک سیاست سے دور رہے اور 2018 میں کانگریس میں واپس آگئی ہے۔