دہرادون،26ستمبر:(اردودنیا.اِن/ایجنسیاں)انکیتا بھنڈاری کی اتوار (25 ستمبر) کو سری نگر، پوڑی گڑھوال، اتراکھنڈ کے این آئی ٹی گھاٹ میں آخری رسومات اداکردی گئیں۔سی ایم دھامی کی اپیل کے بعد انکتا کے اہل خانہ نے آخری رسومات ادا کرنے پر راضی ہوئے ۔ انکتا بھنڈاری کو صرف اس لیے قتل کیا گیا کیونکہ اس نے ہوٹل کے مالک کے کہنے کے بعد بھی صارفین کو ’سیکس انجوائے‘ خدمات فراہم کرنے سے انکار کر دیا تھا۔رشی کیش کے لکشمن جھولا علاقے میں واقع ایک ریزورٹ سے لاپتہ ہونے کے چھ دن بعد ہفتہ کو انکتا کی لاش پولیس نے ایک نہر سے برآمد کی تھی۔
اتراکھنڈ کے سی ایم دھامی نے انکتا کے اہل خانہ سے اپیل کرتے ہوئے کہا تھا کہ ایس آئی ٹی کیس کی کئی زاویوں سے جانچ کر رہی ہے اور کیس سے متعلق شواہد کو محفوظ رکھا گیا ہے۔ میں یقین دلاتا ہوں کہ شواہد کو ضائع کرنے کی کوئی کوشش نہیں کی گئی۔ ہم فاسٹ ٹریک کورٹ میں معاملے کو تیز کرنے کی کوشش کریں گے۔ ہم قصورواروں کو نہیں چھوڑیں گے۔ جس کے بعد اتوار کو ان کی آخری رسومات ادا کی گئیں۔ڈی آئی جی گڑھوال رینج، کے ایس ناگنیال نے کہا کہ ملزم کے خلاف زیادہ سے زیادہ شواہد مرتب کرنے کے بعد ہم جلد از جلد چارج شیٹ عدالت کو بھیجیں گے۔ اس معاملے کی جانچ کے لیے ایک ایس آئی ٹی بھی تشکیل دی گئی ہے۔
ہم نوٹ کرتے ہیں کہ کیس میں کسی بھی قسم کا کوئی ثبوت نہیں چھوڑا گیا ہے۔پوسٹ مارٹم رپورٹ آنے تک آخری رسومات سے انکار: اسی وقت جب انکتا بھنڈاری کے والد آخری رسومات کے لیے سری نگر میں پوسٹ مارٹم ہاؤس کے باہر ان کی لاش لینے پہنچے تو زبردست احتجاج شروع ہوگیا۔ دراصل اتراکھنڈ کے وزیر اعلی پشکر سنگھ دھامی کا فون آنے کے بعد، خاندان نے انکتا کی آخری رسومات ادا کرنے پر رضامندی ظاہر کی۔
لواحقین نے پہلے پوسٹ مارٹم رپورٹ آنے تک آخری رسومات ادا کرنے سے انکار کر دیا تھا۔انکتا کے بھائی اجے سنگھ بھنڈاری نے کہا تھا کہ جب تک اس کی پوسٹ مارٹم رپورٹ نہیں آتی ہم اس کی آخری رسومات ادا نہیں کریں گے۔ ہم نے اس کی عارضی رپورٹ میں دیکھا کہ اسے مارا پیٹا گیا اور دریا میں پھینک دیا گیا۔ لیکن ہم حتمی رپورٹ کا انتظار کر رہے ہیں۔
جمعہ کو پولیس نے اس قتل کیس میں ریزورٹ کے مالک اور اتراکھنڈ حکومت کے سابق وزیر ونود آریہ کے بیٹے پلکت آریہ کو گرفتار کرلیا۔ معاملہ منظر عام پر آنے کے بعد بی جے پی نے کارروائی کرتے ہوئے ونود آریہ اور ان کے بیٹے انکت آریہ کو پارٹی سے معطل کر دیا۔
