بیروت:(اردودنیا.اِن/ایجنسیاں) لبنان کے دارالحکومت بیروت میں خاتون نے بہن کے علاج کے لیے بینک لوٹ لیا۔غیرملکی خبرایجنسی کے مطابق سالی حافظ نامی خاتون نے بینک لوٹنے کی ویڈیو سوشل میڈیا پر لائیو اسٹریم (براہ راست ) شیئر بھی کی۔اس ویڈیو میں انھیں بینک میں داخل ہوتے ہوئے اور چیختے ہوئے سنا جاسکتا ہے۔سالی حافظ نے بتایا کہ وہ رقم حاصل کرنے بینک میں آئی ہیں اور ان کی بہن کینسر کے باعث اسپتال میں زیرعلاج ہے۔28 سالہ لبنانی ڈپازٹر سالی حافظ نے خود پر پٹرول پھینکا اور دھمکی دی کہ اگر اسے اپنی بیمار بہن کے علاج کے لیے جمع رقم نہ ملی تو وہ خود کو آگ لگا لے گی۔
انھوں نے مزید کہا کہ وہ کسی کو قتل کرنے یا فائرنگ کرنے یہاں نہیں آئیں اور ان کا مطالبہ صرف اپنے حقوق کا حصول تھا۔اس واقعے کے بعد انھوں نے ایک ٹی وی چینل کو انٹرویو میں بتایا کہ انھوں نے بینک سے 13 ہزار ڈالر حاصل کرلئے اور اس برانچ میں ان کے خاندان کے 20 ہزار ڈالر جمع تھے۔
#لبنان.. لبنانيون يقتحمون أحد المصارف في #بيروت للمطالبة باسترداد ودائعهم (إعلام محلي) pic.twitter.com/Vuxwr3DJKE
— ANADOLU AGENCY (AR) (@aa_arabic) September 14, 2022
انھوں نے یہ بھی بتایا کہ ان کی بہن کے علاج کے لیے 50 ہزار ڈالر کا خرچہ آرہا ہے۔سالی حافظ نے یہ بھی بتایا کہ انھوں نے ڈکیتی کے لیے اپنے بھانجے کے کھلونا پستول کا استعمال کیا۔ڈکیتی کے بعد سالی حافظ اپنے ساتھیوں کے ہمراہ بینک کی پچھلی طرف سے فرار ہونے میں کامیاب ہوگئی۔
من داخل بنك لبنان والمهجر pic.twitter.com/7ogNWAaB4z
— جمعية المودعين اللبنانيين (@Lebdepositors) September 14, 2022
