انڈین نیوی میں پائلٹ سمیت 275 آسامیوں پر بھرتی، 25 جون سے درخواستیں شروع
انڈین نیوی میں 275 عہدوں پر بھرتی، تنخواہ 1.20 لاکھ روپے تک
نئی دہلی:(اردودنیا.اِن/ایجنسیز)ہندوستانی بحریہ نے شارٹ سروس کمیشن (SSC) کے تحت جون 2027 میں شروع ہونے والے بیاچ کے لیے 275 مختلف عہدوں پر بھرتی کا نوٹیفکیشن جاری کر دیا ہے۔ اس بھرتی کے ذریعے غیر شادی شدہ مرد اور خواتین امیدواروں کو انڈین نیول اکیڈمی (INA) ایزیمالا، کیرالہ میں تربیت کے لیے منتخب کیا جائے گا۔
جاری نوٹیفکیشن کے مطابق ایگزیکٹیو برانچ، پائلٹ، نیول ایئر آپریشنز آفیسر، ایئر ٹریفک کنٹرولر، لاجسٹک، ایجوکیشن، انجینئرنگ، الیکٹریکل اور نیول کنسٹرکٹر سمیت مختلف شعبوں میں کل 275 آسامیوں پر تقرری کی جائے گی۔
درخواست کا عمل 25 جون 2026 سے شروع ہوگا جبکہ فارم جمع کرانے کی آخری تاریخ 27 جولائی 2026 مقرر کی گئی ہے۔ امیدوار انڈین نیوی کے سرکاری پورٹل پر جا کر آن لائن درخواست جمع کرا سکتے ہیں۔
تعلیمی اہلیت
مختلف عہدوں کے لیے امیدواروں کے پاس متعلقہ شعبے میں BE/BTech، ME/MTech، MSc، MA، MBA، MCA، BSc، BCom یا دیگر منظور شدہ پوسٹ گریجویٹ ڈگریاں ہونا ضروری ہیں۔ ہر عہدے کے لیے اہلیت کی تفصیلات نوٹیفکیشن میں الگ سے درج ہیں۔
انتخاب کا طریقہ
امیدواروں کا انتخاب درج ذیل مراحل کے ذریعے کیا جائے گا:
- درخواستوں کی شارٹ لسٹنگ
- SSB انٹرویو
- طبی معائنہ
- حتمی میرٹ لسٹ
تنخواہ اور مراعات
منتخب امیدواروں کو سب لیفٹیننٹ کے عہدے پر تعینات کیا جائے گا، جہاں ابتدائی مجموعی ماہانہ تنخواہ تقریباً 1.20 لاکھ روپے ہوگی۔ اس کے علاوہ پائلٹ، نیول ایئر آپریشنز آفیسر اور سب میرین ڈیوٹی سے وابستہ افسران کو اضافی الاؤنسز بھی دیے جائیں گے۔
