ممبئی، 28 جولائی:(اردودنیا.اِن/ایجنسیاں)بدھ کے روز عدالت نے #فحش-فلم معاملے میں گرفتار #شلپا شیٹی کے شوہر راج کندرا کی ضمانت کی درخواست مسترد کردی۔راج کندرا بیرون ملک فرار نہ ہوں ،اس لئے اپریل کے مہینے میں ہی اس کا پاسپورٹ کرائم برانچ نے ضبط کرلیا تھا ۔ کرائم برانچ کی تفتیش میں جیسے ہی اس کا نام سامنے آیا پولیس نے کندرا کا #پاسپورٹ ضبط کرلیا۔
فحش فلم معاملے میں گرفتار راج کندرا اور اس کے ساتھی ریان تھارپ کی ضمانت کی درخواست پر سماعت کے دوران دفاعی وکیل یعنی راج کندرا کے وکیل آباد پونڈا نے عدالت میں کہاکہ اس معاملے میں کرائم برانچ نے عدالت میں چارج شیٹ داخل کردی ہے۔ان دونوں ملزمان کے علاوہ اس معاملے میں پہلے ہی گرفتار 9 ملزمان #ضمانت پر باہر ہیں۔
اس معاملے کے مرکزی #ملزمان پر #راج اور ریان سے زیادہ سنگین الزامات ہیں۔راج اور ریان کو جن تمام دفعات کے تحت گرفتار کیا گیا ہے ان میں سزا 7 سال سے زیادہ نہیں ہے۔راج کندرا کے تعلق سے کہا کہ اس کا ایک کنبہ ممبئی میں ہی رہتا ہے، اس وجہ سے ہم یہ نہیں کہہ سکتے کہ وہ تفتیش کے دوران دستیاب نہیں ہوں گے۔اگر یہ الزام عمر قید یا سزائے موت کے ساتھ قابل سزا نہیں ہے تو ضمانت دی جاتی ہے۔آباد پونڈا نے عدالت کو دوسرے مقدمات کے فیصلے دکھائے، جس میں کہا گیا ہے کہ خود ضمانت خودمیں سزا نہیں ہوسکتی ، پولیس کا مقصد صرف یہ ہونا چاہئے کہ جب ملزم کو تفتیش کے لئے بلایا جائے تو وہ دستیاب ہوں۔
پولیس نے کہا کہ اگر راج کندرا باہر آتا ہے تو وہ شواہد کے ساتھ چھیڑ چھاڑ کرسکتا ہے، لیکن اس کا اطلاق ہر اس فرد پر ہوتا ہے جو ضمانت پر باہر ہے۔دوسری عدالتوں کے پچھلے فیصلوں میں کہا گیا ہے کہ اگر پولیس شواہد کے ساتھ چھیڑ چھاڑ کے امکان کے بارے میں بات کرتی ہے تو اس سے پولیس کی خراب حالت ظاہر ہوتی ہے۔پولیس کا کہنا ہے کہ کندرا ایک برطانوی شہری ہے اور وہ بھاگ سکتے ہیں، ان کے پاس پہلے ہی کندرا کا پاسپورٹ موجود ہے۔
