یوپی انتخابات: رام داس اٹھاولے نے 8سے10سیٹوں کامطالبہ کیا یوگی سے ملاقات کے بعدمولاناکلب جوادکے گھرپہونچے

لکھنؤ31جولائی:(اردودنیا.اِن/ایجنسیاں)مرکزی وزیر رام داس اٹھاولے کا کہنا ہے کہ دلت ووٹ اب بہوجن سماج پارٹی (بی ایس پی) کے پاس نہیں ہے بلکہ آر پی آئی کے پاس ہیں۔ نیز ریپبلکن پارٹی آف انڈیا (آر پی آئی) نے اتر پردیش میں اسمبلی انتخابات کے لیے بی جے پی سے 8 سے 10 سیٹوں کا مطالبہ کیا ہے۔

ریپبلکن پارٹی آف انڈیا کے سربراہ رام داس #اٹھاولے آج وزیراعلیٰ یوگی آدتیہ ناتھ سے ملنے پہنچے۔ انہو ں نے مولاناکلب جوادسے بھی ملاقات کی ہے۔رام داس نے کہاہے کہ ان کی پارٹی اتر پردیش کے اسمبلی انتخابات میں حصہ لے گی۔انہوں نے کہاہے کہ #برہمن کا ووٹ بی ایس پی کو نہیں بلکہ بی جے پی کو جائے گا۔

#مسلم ووٹر بھی آر پی آئی کے ساتھ ہیں۔ جبکہ اسد الدین اویسی کی آمد سے ان کا ووٹ بینک متاثر نہیں ہوگا۔رام داس اٹھاولے نے اپنے طنزیہ انداز میں آج تک کو بتایا کہ مایاوتی ایک برہمن کنونشن کررہی ہیں ، لیکن برہمن بی جے پی کی طرف ہیں۔

سی ایم یوگی سے ملاقات کے حوالے سے رام داس اٹھاولے نے کہاہے کہ اترپردیش کے آئندہ اسمبلی #انتخابات کے حوالے سے بات چیت ہوئی ہے۔ ہم بی جے پی سے کل 8 سے 10 سیٹیں مانگ رہے ہیں۔ انہوں نے کہا کہ دلت ہمارے ساتھ ہیں ، مایاوتی کے ساتھ نہیں۔مذہب کی تبدیلی سے متعلق تنازعہ پر مرکزی وزیر نے کہا کہ مذہب تبدیل کرنے میں کوئی نقصان نہیں ہے ، لیکن اسے زبردستی نہیں کیاجانا چاہیے۔

#لکھنؤمیں #مولانا #کلب #جوادسے ملنے پر انہوں نے کہا کہ نہ صرف دلت بلکہ مسلمان بھی اس کے ساتھ ہیں۔مرکزی وزیر رام داس اٹھاولے آج مولانا کلب جواد کے گھر ان سے ملنے پہنچے۔ وہ ایک روزہ دورے پر لکھنؤ آئے ہیں۔ مرکزی وزیر ہوائی اڈے سے سیدھے مولانا کلب جواد کی رہائش گاہ پہنچے اور وہاں 2022 کے اسمبلی انتخابات پر تبادلہ خیال کیا۔