نئی دہلی: (اردودنیا.اِن)عالمی کرکٹ میں جیمس اینڈرسن کو بہترین گیندبازوں کی فہرست میں شامل کیا جاتاہے۔ اینڈرسن نے اپنی صلاحیت اور مضبوط ریکارڈ کی بنیاد پر یہ مقام حاصل کیا ہے اور ان کا سفر ابھی جاری ہے۔ ہندوستان کے خلاف چوتھے ٹیسٹ میچ کی پہلی اننگز میں انہوں نے ایک خاص مقام حاصل کیا جو انگلینڈ کے کسی بھی گیندباز نے ان سے پہلے حاصل نہیں کیا تھا اور تاریخ رقم نہیں کی تھی۔
جیسے ہی جیمس اینڈرسن نے چوتھے ٹیسٹ میچ کی پہلی اننگز میں ہندوستانی بلے باز اجنکیا رہانے کو آؤٹ کیا ، وہ انگلینڈ کے لئے ہر طرح کی کرکٹ میں 900 وکٹیں مکمل کرنے والے پہلے گیندبازبن گئے۔
اینڈرسن سے پہلے کسی اور انگلس بولر نے اس اعداد و شمار کو عبور نہیں کیاتھا۔ عالمی کرکٹ کے بارے میں بات کریں تو جیمس اینڈرسن 900 وکٹیں لینے والے دنیا کے تیسرے فاسٹ بولر بن گئے اور ان سے پہلے آسٹریلیائی کے گلن میک گراتھ اور پاکستان کے وسیم اکرم نے ان اعداد و شمار کو عبور کریا ہے۔
