گوند ببول کے حیرت انگیز فوائد: دل، جلد، شوگر اور وزن کیلئے قدرتی علاج

گوند کا نام تو ہم سب ہی سنتے رہتے ہیں مگر آج ہم گوند ببول کے متعلق بتائیں گے۔ دراصل ہم بات کر رہے ہیں گوند کیکر براؤن گوند کی جو استعمال کرنا انسانی جسم کے لئے بے حد جادوئی فوائد کی حامل ہوتی ہے، ماہرین کے مطابق براؤن گوند کے استعمال سے کئی بیماریوں کا علاج بھی کیا جاسکتا ہے، وہ کیسے آیئے ہم آپ کو بتاتے ہیں۔

گوند ببول کے فوائد

گوند کیکر یاببول نامی درخت کے اندرسے نکلنے والے عرق سے بنائی جاتی ہے جس کے بے شمار طبی فوائد ہیں، ماہرینِ صحت کا دعویٰ ہے کہ اگر گوند کو دوسری جڑی بوٹیوں کے ساتھ ملا کر استعمال کیا جائے تو یہ بیحد کارآمد ثابت ہوتی ہے، گوند میں اینٹی آکسائڈنٹ، اینٹی بیکٹیریل اور اینٹی سوزش خصوصیات پائی جاتی ہیں اس کے دیگر فوائد مندرجہ ذیل ہیں۔

کولسٹرال میں مفید

ماہرین کا ماننا ہے کہ جو لوگ کولیسٹرول کی بیماری کا شکار ہیں وہ گوند کا استعمال کر کے اپنا بڑھا ہوا کولیسٹرول گھٹا سکتے ہیں اور کیونکہ ہائی کولیسٹرول کا تعلق دل کی دیگر بیماریوں میں مبتلا کرنے کا ہوتا ہے اس لئے آپ دل کی دیگر بیماریوں سے بھی بچ سکیں گے، گوند کا استعمال فالج اور ہارٹ اٹیک جیسی جان لیوا بیماریوں سے بھی بچائے رکھتا ہے۔

جھریوں کیلئے فائدہ مند

جیسے جیسے عمر میں اضافہ ہوتا ہے تو جلد پر جھریاں پڑنے لگتی ہیں اس کے لئے گوند ایک جادوئی نسخہ ثابت ہو سکتی ہے، چہرے پر گوند کا استعمال کرنے سے جھریاں اور جھائیاں دور ہوتی ہیں، داغ دھبے دور ہوتے ہیں اور جلد سے مردہ خلیات کا خاتمہ ہوتا ہے۔

کمزوری میں مفید

گوند کا استعمال ان لوگوں کیلئے بے حد ضروری ہے جو طویل بیماری کا شکار رہے ہوں یا وہ لوگ جو کئی عرصے سے اینٹی بائیوٹیکٹس لے رہے ہوں کیونکہ گوند کے استعمال سے کمزوری دور ہوتی ہے گوند کا استعمال کرنے سے انسانی جسم میں بیماری کے بعد ہونے والی کمزوری دور ہوتی ہے۔

شوگر میں مفید

شوگر کے مریضوں کو گوند کے استعمال کی خاص تائید کی جاتی ہے کیونکہ یہ ان کے لیے بے حد مفید ہے، گوند کا کام خون میں شوگر کی سطح کو بڑھنے سے روکنا اور شوگر لیول کو کنٹرول میں رکھنا ہے۔

زچہ کیلئے مفید

زچگی کے بعد عورت جسمانی طور پر بیحد کمزور ہوجاتی ہے ایسے میں بڑے بوڑھے زچہ عورت کو گوند اور دیگر غذاؤں سے پنجیری بنا کر دیتے ہیں جو کہ زچگی کے بعد کمزوری دور کرنے میں اہم کردار ادا کرتی ہے۔

وزن گھٹانے میں مفید

گوند کے استعمال سے میٹابولزم تیز ہوتا ہے اور یہی وجہ ہے کہ جب گوند کا استعمال کیا جائے تو جسم کی اضافی چربی گھٹتی ہے اور یوں وزن میں کمی آجاتی ہے۔٭