ہریانہ انتخابی نتائج: کانگریس کی ہارپر اویسی کا طنز، کہا ہم تو لڑے بھی نہیں، پھر کیوں ہار گئے؟

ہریانہ انتخابی نتائج:
کانگریس کی ہارپر اویسی کا طنز، کہا ہم تو لڑے بھی نہیں، پھر کیوں ہار گئے؟

1. نئی دہلی ، 9اکتوبر ( ایجنسی)

ہریانہ اور جموں کشمیر اسمبلی انتخابات کے نتائج کے بعد ملک میں سیاست اپنے عروج پر ہے۔ ہریانہ میں بی جے پی نے تین دفعہ جیت کر کانگریس کے حکومت سازی کے ارادے کو ناکام بنا دیا، جس کی وجہ سے حزب اختلاف کے متحدہ محاذ’انڈیا اتحاد’میں شامل کئی جماعتوں نے کانگریس کو مشورہ دیا۔ اب اے آئی ایم آئی ایم کے صدر اسد الدین اویسی نے کانگریس کو نشانہ بناتہ ہوئے سوال کیا کہ اس بار ہم الیکشن بھی نہیں لڑ رہے تھے تو بی جے پی کیسے جیت گئی؟

اے آئی ایم آئی ایم نے کہاکہ ،وہ لوگ جو ہمیں گالی دیتے تھے کہ ہمارے (اے آئی ایم آئی ایم) کے الیکشن لڑنے سے بی جے پی کو فائدہ ہو رہا ہے، لیکن اس بار ہم الیکشن نہیں لڑ رہے تھے، تو بی جے پی کیسے جیت گئی؟ اب بی جے پی نے ہریانہ جیت لیا ہے، اس کا ذمہ دار کون ہے؟ کانگریس پارٹی کو 10 سال کی مخالفت کا فائدہ اٹھانا چاہیے تھا، لیکن ان کے اندرونی اختلافات کی وجہ سے بی جے پی کو فائدہ ہوا۔

کانگریس کو مشورہ دیتے ہوئے اسدالدین اویسی نے کہا کہ اگر آپ انتخابی جنگ میں بی جے پی کو تھوڑا سا بھی موقع دیتے ہیں تو بی جے پی اس کا فائدہ اٹھاتی ہے، 2024 کے انتخابات کے بعد میں نے پارلیمنٹ میں کہا تھا کہ جو لوگ کہہ رہے ہیں کہ یہ ایک بڑی کامیابی ہے، میں نے اس وقت بھی کہا تھا کہ آپ (کانگریس) وہاں کی اہم اپوزیشن ہیں اور ان کے پاس بی جے پی کو شکست دینے کا سنہری موقع تھا، لیکن وہ ایسا نہیں کر سکے۔

کہ کانگریس کو مدھیہ پردیش میں جیتنا چاہئے تھا، چھتیس گڑھ میں جیتنا چاہئے تھا اور یہاں بھی جیتنا چاہئے تھا۔ہریانہ اسمبلی انتخابات میں شکست کے لیے کانگریس کی جانب سے ای وی ایم کو ذمہ دار ٹھہرانے پر اے آئی ایم آئی ایم کے سربراہ نے کہا کہ ای وی ایم پر الزام لگانا بہت آسان ہے۔ آپ ای وی ایم کی وجہ سے جیتتے ہیں اور جب آپ ہارتے ہیں تو یہ غلط ہے۔