کیا آپ کو پسند ہے مزیدار بھنڈی✍️فرحین عدنان بنگلور

بھنڈی اورمزیداریہ بات شاید آپ کچھ عجیب لگی ہوگی لیکن یہ بات سچ ہے کہ بھنڈی ایک نہایت ذائقہ دار،مزیدار اور صحت بخش سبزی ہے۔حقیقت تو یہ ہے کہ اب لوگ سبزی کھاناپسندنہیں کرتے۔اس کی وجہ یہ ہے کہ ہم میں سے اکثریت اب سبزیوں سے دوراورفاسٹ فوڈیامرغن غذاوں سے قریب ترہوتے جارہے ہیں۔

یہی وجہ ہے کہ صحت کے مسائل بھی دن بہ دن بڑھتے جارہے ہیں۔سبزیوں سے دوری صحت پرمنفی اثرات مرتب کررہی ہے۔حالانکہ ڈاکٹرزکے مطابق ہرموسم میں آنے والی سبزی ہرانسان کو کھانی ضروری ہے تاکہ اچھی صحت قائم ودائم رہ سکے۔

ماضی میں لوگ سبزی بڑے ذوق وشوق سے کھاتے تھے۔ہفتے میں 5 دن سبزی کھانا صحت کی علامات سمجھی جاتی ہے۔دوپہرکے کھانے میں دال چاول کے ساتھ سبزی کی بھجیاکارواج عام تھا۔کھانے میں گوشت کے نہ پکنے کا کوئی افسوس بھی نہیں ہوتا تھا ہر کوئی مزے سے کھانا کھاکر بغیر شکایت اٹھ جاتا تھا۔ لیکن اب وقت بدل چکا ہے۔

اب لوگ کھانوں میں زیادہ ترگوشت کے پکوان پسند کرتے ہیں۔ جسے ضرورت سے زیادہ کھایا بھی جاتا ہے۔ سبزیوں کوترک کرنے کی وجہ سے اب لوگ پہلے کی طرح چاک وچوبند اورصحت مند اردودنیا نہیں رہے۔اسی لئے اگر آپ کے ساتھ بھی ایساہی ہے تواب آپ کو بھی یوٹرن لینے کی ضرورت ہے تاکہ صحت مند زندگی کی طرف واپس آسکیں۔

ویسے توبہت سی صحت بخش سبزیاں موجود ہیں لیکن ہم بات کررہے تھے بھنڈی کی جوایک ذائقہ داراورصحت کے لئے انتہائی مفید سبزی ہے۔جوڑوں سے لے کرشوگرتک کے مریضوں کے لئے یکساں مفید ہے۔ اسے مختلف طریقوں سے پکایا جاسکتا ہے جیسے۔۔۔1۔فرائیڈ بھنڈی۔ 2۔بھنڈی کی بھجیا۔ 3۔دیگرسبزیوں اورگوشت کے ملاپ سے جیسے(بھنڈی آلو،بھنڈی گوشت وغیرہ)یقینا اسے پکانے کے اوربھی بہت سے طریقے ہوں گے لیکن آج ہم آپ سے شیئرکرنے جارہے ہیں ایک بہت سادہ،آسان اورمخصوص طریقہ جوآپ کوضرورپسند آئے گا وہ یہ ہے

 دال چاول، فرائیڈ بھنڈی مصالحہ دار پوٹاٹو۔

اجزاء: تیل 2، 3 کھانے کے چمچ، بھنڈی ½ کلوکٹی ہوئی، آلو 3 عدد کیوب کی شکل میں کٹے ہوئے، پیاز درمیانی 2 عدد کٹی ہوئی، ٹماٹر 3 عدد کٹے ہوئے، نمک حسب ذائقہ، لال مرچ پاؤڈر 2 چائے کے چمچ، ہلدی ½ چائے کاچمچ، زیرہ پاؤڈر ایک چائے کا چمچ، ہری مرچ 3 عدد لمبائی میں کٹی ہوئی، چاٹ مصالحہ حسب ذائقہ۔

ترکیب: بھنڈی کواس وقت تک فرائی کریں جب تک وہ کرسپی نہ ہوجائے۔آلوبھی اس کے ساتھ ہی فرائی کرلیں۔ اس کے بعد پیپرٹاول پرنکالیں تاکہ اضافی تیل جذب ہوجائے۔دیگچی میں تیل اورپیازشامل کریں اورپیازلائٹ گولڈن ہونے تک ہلکی آنچ پرپکائیں۔ ا سکے بعد ٹماٹرشامل کرکے اتنا پکائیں کہ وہ اچھی طرح گھل جائیں اورپیازکے ساتھ یکجاں ہوجائیں۔

ہری مرچ شامل کرکے مکس کریں اور اس میں نمک، مرچ، ہلدی اور زیرہ شامل کرکے بھون لیں۔اس کے بعد اس میں بھنڈی اورآلوشامل کریںاوربھون لیں۔چاہیں توآخرمیں ذائقہ کے لئے ہلکاساچاٹ مصالحہ شامل کرلیں۔اسے پکانابہت آسان ہے۔ تھوڑی سی توجہ سے آپ اسکے ذائقہ اورفوائد سے لطف اندوزہوسکتے ہیں۔آپ اسے روٹی اورچاول کے ساتھ بھی کھاسکتے ہیں یا پھرخالی بھی لے سکتے ہیں۔امیدہے آپ لوگ اس ریسپی کو جلد آزمائیں گے۔