خنزیر کا دل ٹرانسپلانٹ کروانے والا دوسرا شخص بھی انتقال کرگیا۔

لندن :(اردودنیانیوز.کام/ایجنسیز) طبی سائنس کی دنیا میں حال ہی میں ڈاکٹروں نے ایک نیا ریکارڈ قائم کیا ہے۔ ڈاکٹروں نے خنزیر کا دل انسانی جسم میں ٹرانسپلانٹ کر دیا۔ لیکن جس شخص کو خنزیر کا دل ملا وہ ٹرانسپلانٹ کے 40 دن بعد مر گیا۔ یہ اس طرح کا دوسرا کیس ہے۔ سی این این کی رپورٹ کے مطابق خنزیر کا دل حاصل کرنے والا دنیا کا دوسرا شخص سرجری کے 40 دن بعد انتقال کر گیا۔

58 سالہ لارنس فاوسٹ سال کی عمر میں، دل کی بیماری سے لڑ رہے تھے اور روایتی ہارٹ ٹرانسپلانٹ کے اہل نہیں تھے۔ اس کے بجائے، 20 ستمبر کو  58 سالہ لارنس فاوسٹ Lawrence Faucette کے جسم میں خنزیر کا دل ٹرانسپلانٹ کیا گیا۔ سرجری کے بعد وہ تقریباً چھ ہفتے زندہ رہے اور انتقال کر گئے۔ فاوسٹ نے اپنی سرجری کے بعد اپنے خاندان کے افراد کے ساتھ معیاری وقت گزارا۔ لیکن حال ہی میں ان کی طبیعت اچانک خراب ہونے لگی۔ اسپتال کی جانب سے جاری بیان میں کہا گیا ہے کہ ڈاکٹروں نے لارنس فاوسٹ کو بچانے کی ہر ممکن کوشش کی لیکن انہیں بچایا نہیں جا سکا۔ بالآخر 30 اکتوبر کو ان کا انتقال ہوگیا۔

ہارٹ ٹرانسپلانٹ ممکن نہیں تھا۔اطلاعات کے مطابق فاوسٹ بحریہ کے ریٹائرڈ لیبارٹری ٹیکنیشن تھے۔ دل کی بیماری لاعلاج جان کر انہوں نے اپنے خاندان کے ساتھ مزید وقت گزارنے کی خواہش کا اظہار کرتے ہوئے آخری حربے کے طور پر میری لینڈ کے اسپتال کا رخ کیا۔جب وہ میری لینڈ کے اسپتال میں لاے گئے انھیں صحت کے دیگر مسائل کی وجہ سے  ہارٹ ٹرانسپلانٹ کرنے سے انکار کر دیا گیا۔ فاوسٹ کی اہلیہ این کا کہنا تھا کہ ان کے شوہر کو معلوم تھا کہ ان کا وقت کم ہے، وہ اس کے لیے پریشان تھے، لیکن انھوں نے کبھی نہیں سوچا تھا کہ وہ اتنی لمبی زندگی گزاریں گے۔

یہ اس طرح کا دوسرا کیس ہے۔اس سے قبل سال 2022 میں امریکی ڈاکٹروں نے خنزیر کا دل انسانی جسم میں ٹرانسپلانٹ کیا تھا لیکن یہاں بھی مریض دو ماہ بعد ہی دم توڑ گیا۔ ڈاکٹروں نے ان کی موت کی اصل وجہ بھی نہیں بتائی۔ انہوں نے صرف اتنا کہا کہ ڈیوڈ کی حالت کئی روز قبل بگڑنا شروع ہو گئی تھی۔یونیورسٹی آف میری لینڈ میڈیکل اسکول نے ٹرانسپلانٹ کے بعد ایک بیان جاری کیا تھا جس میں کہا گیا تھا کہ اس ٹرانسپلانٹ کے بعد بھی مریض کی بیماری کا علاج ابھی یقینی نہیں ہے، تاہم ٹرانسپلانٹ کا یہ عمل انسانوں کے لیے جانور سنگ میل ثابت ہوں گے۔کارڈیک زینو ٹرانسپلانٹ ٹیم کی قیادت کرنے والے ڈاکٹر محمد محی الدین نے کہا کہ وہ خنزیرکے اعضاء کی پیوند کاری پر اپنی تحقیق جاری رکھتے ہوئے خنزیر کے دل کے ساتھ کیا ہوا اس کا باریک بینی سے جائزہ لیں گے۔